Германиянын RWE деп аталган энергетикалык компаниясы эми Каспий деңизинин Түркмөнстанга караштуу бөлүгүндөгү газ жана мунай кендерин чалгындайт. Аталган компания менен келишимге бүгүн кол коюлганын президент Гурбангулы Бердымухаммедов билдирди. RWE - Борбор Азиянын газы Европага Орусиянын аймагына кирбеген газ кууру аркылуу жеткирүүнү караган Набукко долбоорунун катышуучусу. Жакында газ куурунда орун алган жарылуудан улам түркмөн газынын Орусияга агымы токтоп, бул окуядан соң Түркмөнстан Орусия менен кер-мур айтышууга барды.
