Эки америка материгиндеги 34 мамлекеттин жогорку деңгээлдеги жолугушуусунда жыйынтыктоочу декларацияга келгенде пикир келишпестиктер орун алган. Жыйындын уюштуруучусу Тринидад жана Тобаго мамлекетинин премьер-министри Патрик Манниңдин айтымында, лидерлер жыйынтыктоочу декларация боюнча бир пикирге келе алышкан эмес. Жыйындын соңунда АКШ президент Барак Обама, эгер Куба, Венесуэла жана АКШ мамлекеттери алакаларын жакшыртууну каалашса сөздөн ишке өтүүлөрү керектигин билдирген.
