АКШнын мамлекеттик катчысы Хиллари Клинтон өткөн апта соңунда сегиз жылга кесилген журналист Роксана Саберини тез арада бошотууга чакырды. АКШга тыңчылык кылган деген айып менен соттолгон теги ирандык америкалык журналистти Европа биримдиги да бошотууга үндөөдө. Буга чейин Ирандын сот бийлигинин жетекчиси Махмуд Хашеми, апелляциялык арыз «тез жана адилет» каралышы керектигин билдирген. Андан мурда Иран президенти соттолгондор өздөрүн коргоо укуктарынан толук пайдаланышы керектигин айткан.
