"Мен премьер-министрлик кызматка өз алдымча эмес, ошол убактагы оппозициянын чечими менен баргам", - деп билдирди оппозициядан президенттикке бирдиктүү талапкер катары чыгып жаткан Алмаз Атамбаев. “Азаттыкка” бүгүн берген интервьюсунда А. Атамбаев оппозиция өкүлдөрү ошол 2007-жылдын март-апрелинде өкмөттүн курамына барбай коюшуп, кемчилик кетиришкенин азыр моюнга алып жатышканын айтты. А. Атамбаев “К. Бакиев дагы А. Акаевдин каталарын кайталап, тууган-туушкандарынын таасиринен чыга албай калды, ошондуктан бул жолу эл шайлоодо өз добуштарын коргоп калууга чечкиндүү турат”, - деп билдирди.