Бул иш чарага байланыштуу бүгүн “Сейтек” өспүрүмдөр борборунда белгилүү артисттердин катышуусунда театрлаштырылган кайрымдуулук концерти өткөрүлөт. Ушул эле күнү улуттук китепканада “Бишкек-куттуу коломтом” аттуу китеп көргөзмөсү, тарых музейинде Кыргызстандын байыркы алтын буюмдарынын, Ала-Тоо аянтында кыргыз сүрөтчүлөрүнүн көргөзмөсү ачылат. 29-апрелде эртең менен жаңы оңдолгон Панфилов гүл багынын ачылышы болуп, цирктин артисттери жана 300 бала шаардын борбордук көчөсү менен жүрүш жасайт. Кечкисин эски аянтта орусиянын “город-312” эстрадалык тобунун концерти тартууланып, салтанаттын урматына фейерверктер атылат. Бул тууралуу Бишкек мэриясынын басма сөз кызматынан билдиришти. (AJ)
