Баңги заттарды көзөмөлдөө агенттигинин маалыматына караганда 47 жаштагы казакстандык жаран 12 килограмм апийим менен Кара-Балта шаарында кармалган. Апийимдин калганы өз үйүндө жана Сокулуктагы тууганыныкында катылып турган. Маалыматка караганда апийимдин бир бөлүгү Орусияга жөнөтүү үчүн таңгакталып, даярдалып коюлган. Орусиянын көмүскө базарынын баасы менен эсептегенде табылган апийимдин наркы 340 миң долларга тете. (BuS)
