Бишкекте кароосуз балдардын “эңсөөлөр дарагы” уюштурулду.

ЖКнын имаратынын жанында, эски аянттагы бакта Бишкек мэриясы тарабынан уюштурулган бул акция бүгүн кечке чейин өтмөкчү.
Маалыматка ылайык ал жерде даракка кароосуз калган балдардын сүрөттөрү асылган, ар бир сүрөттүн артында ошол баланын бирден эңсөөсү жазылган. Каалоочулар кароосуз балдардын эңсөөлөрүн аткара алышат. Ошондой эле ал жерде накталай акча жардамдар үчүн да атайы куту коюлган. (SA)