Президент Курманбек Бакиев “Ак жол” партиясынын курултайында сөз сүйлөп, бийликтин партиясы кандай болушу керектиги тууралуу пикирин билдирди. Аталган партия өнүгүү тарыхында эң татаал жолду – калыптануу этабын баштан өткөргөнүн, өлкөдө бедели артып, парламенттик жана жергиликтүү кеңештерге шайлоодо ишенимдүү жеңишке жетишкенин белгилеп өттү. Бирок муну менен эле чектелип калбай, элдин келечеги үчүн алган жоопкерчиликти терең түшүнүшү керектигин кошумчалады. “Ак жол” партиясы өнүгүшүндөгү жаңы этапты баштап, 2009-жылы партия үчүн жаңылануунун жылы болуп калышы керек, деди президент. (EBM)
