Буга арналган жыйын Улуттар уюмунда бүгүн ачылат. Өзөктүк куралды жайылтпоо боюнча 1970-жылкы келишимге кол койгон өлкөлөрдүн өкүлдөрү келерки жылкы ири конференцияга даярдык көрүү максатында жыйналууда жана көп өлкөлөр анда келишим кайрадан каралып, жаңыртылат деп үмүттөнүп жатышат. 1970-жылкы келишим өзөктүк куралдын жайылышын токтотууну максат кылуу менен катар АКШ, Британия, Франция , Орусия, Кытайдан куралдарын кыскартууну талап кылат. Бирок келишимди сынга алгандар бул эл аралык документтеги боштуктар андан 2003-жылы чыгып кеткен Түндүк Корея сындуу өлкөлөргө тынчтык максатта деген шылтоо менен атомдук курал программасын өнүктүрүүгө жол бергенин белгилешет.
