Кыргызстандагы элүү жогорку окуу жайдын билим берүү деңгээли текшерилди. Бул тууралуу Билим берүү жана илим министринин орун басары Борис Кубаев юридикалык билим берген окуу жайлардын бүтүрүүчүлөрүн учурдун талабына жараша даярдоого арналган тегерек үстөл жыйынында билдирди. Анын айтымында, текшерүүнүн жыйынтыгы менен айрым окуу жайларга чара көрүлгөн жатат. Себеби текшерүү кээ бир окуу жайларда илимдин бир кандидаты жана сексен студенти бар экендигин аныктады. Андан тышкары студенттерди күргүштөтүп кабыл алууну токтотуп, кесипкөй адистерди даярдоо зарыл деген Борис Кубаев учурда юрист болуу үчүн 17 миң, экономисттикке 36 миң студент окуп жаткандыгын мисалга тартты.(BD)
