Косовонун бийлиги мындан он жыл мурда бул аймакты таштап кеткен сербдерди кайтып келүүгө үндөөдө. Өкмөт башчы Хашим Тачинин айтымында, Косоводо мултиэтникалык коом түзүү үчүн бардык шарттар түзүлгөн. Косово Сербиядан көз карандысыздыгын өткөн жылы феврал айында жарыялаган. Бир аптадан бери жергиликтүү сербдер мурдагы албан качкындардын үйлөрүн кайра калыбына келтирүү иштерине нааразылыгын билдирип митинг өткөрүүдө.
