Пакистан армиясы талиб согушкерлеринин турумдарына сокку уруу үчүн тик учактарды, артиллерияны колдонууда. Чабуулду утурлай жергиликтүү бийлик тургундарды Сват өрөөнүнүн башкы шаары – Мингорадан кетүүгө чакырган. Уруштар акыркы күндөрү ушул шаардын тегерегинде жүрүп келген эле. Расмий өкүлдөрдүн айтымында, шейшембиден бери аймактан 40 миңден ашуун адам чыгып кетти.
