Кыргызстандагы Ишкерлер биримдиги ишкерлерге кайрылуу жолдоп, анда президент Курманбек Бакиевдин талапкерлигин колдоого чакырык таштады. Анда бийлик менен ишкерлердин ортосундагы өз ара кызматташуу мындан ары да уланат жана ишкерлердин акыркы курултайында кабыл алынган чечимдердин аткарылышына шарт түзүлөт деген ишеним айтылат. Ишкерлер курултайында Салык кодексин тезинен өзгөртүп, айыл чарбасы менен кайра иштетүү тармагын өркүндөтүү, соода, кызмат көрсөтүү, туризм, зергерлик тармагын жандантып, курулушту өстүрүү милдеттерин алдыга коюшкан.(BD)
