Улуттук коопсуздук боюнча мамлекеттик комитеттин “Альфа” аттуу атайын кызматынын бир кызматкеринин каза болгону анык, бирок анын кандай жагдайда жана эмне себептен көз жумганы азыр териштирилип жатат. Мындай маалыматты “Азаттыкка” УКМКнын басма сөз кызматынан билдиришти. Ал эми дагы эки кызматкер жарат алды жана бул окуя алар атайын тапшырманы аткарып жатканда болду деген имишти тастыктаган жок. Басма сөз кызматынын билдирүүсү боюнча, кызматкер ок атышуудан каза болбогону анык. Ал эми айрым маалымат каражаттары “Альфанын” кызматкерлери жекшемби күнү атайын тапшырманы аткарып жаткан убакта каза болду деген маалымат таратышты (BD)
