Бүгүн президент Курманбек Бакиев “Кыргыз Республикасында экологиялык коопсуздукту камсыз кылуу боюнча жалпы техникалык регламент” жөнүндө мыйзамына кол койду. Ал мыйзамга ылайык экологиялык коопсуздук жаатында техникалык жөнгө салуунун негизги жоболору аныкталат жана продукцияны өндүрүү, сактоо, ташуу жана утилдештирүү процесстери үчүн чарбалык жана башка иштин объекттеринде ишти долбоорлоодо жана жүргүзүүдө экологиялык коопсуздукту камсыздоого карата жалпы талаптарды белгилейт. Мыйзам расмий жарыяланган күндөн тартып 12 айдан кийин күчүнө кирет. Бул тууралуу президенттин басма сөз кызматынан кабарлашты. (AJ)
