Орусия ЕККУнун Грузиядагы байкоочулар миссиясынын мөөнөтүн узартууга жол берген планга каршы чыкты. ЕККУнун Грузиядагы миссиясынын мөөнөтү 30-июнда аяктайт. Кабарларга караганда, Орусия Греция сунуш кылган мунаса план менен макул болгон жок. Орусия талап кылган өзгөртүүлөрдүн бири – байкоочулар өз аракеттерин Түштүк Осетия менен макулдашышы керек. Орусиянын макулдугу болмоюн аймакта 16 жылдан бери иштеп келаткан ЕККУнун миссиясы кайра чакыртылып алмакчы.
