Бул туурасында БЭК штаб башчысы Азимбек Бекназаров “Азаттыкка” кабарлады. Маалым болгондой, 19- май күнү Ноокен районунун Шайдан айылында Кыргыз Эл артисти, белгилүү саясатчы Д. Садырбаевди эскерүү иш чарасы өтмөк. Иш чарага бир катар маданият кызматкерлери жана оппозиция өкүлдөрүнүн бараары күтүлүп жаткан. Бирок жергиликтүү бийлик маркумдун жакындарына иш чараны Шайдан айылында өткөрбөө керектигин бир нече ирээт эскерткен. Ошол себептүү БЭКтин саясий кеңеши эскерүү иш чарасын 30- май күнү Бишкекте өткөрүүнү чечти. (JJ)
