20-майда Москвада ШКУга кирген өлкөлөрдүн Коопсуздук кеңештеринин катчыларынын жыйыны болот. Ага Кыргызстандан Коопсуздук кеңештин катчысы Адахан Мадумаровдун катышуусу белгиленген. Бул тууралуу бүгүн ТИМде өткөн маалымат жыйынында кабарланды. Коопсуздук кеңештин катчылары регионалдык коопсуздук жана Ооганстан маселесин талкуулашат. ШКУнун президенттеринин саммити болсо 15-16- июнда Россиянын Екатеринбург шаарында өтмөкчү. Шанхай кызматташуу уюмуна Кытай, Россия, Казакстан, Кыргызстан, Тажикстан жана Өзбекстан мүчө.(AiT)
