Дипломаттар ортосунда Москвада өтүп жаткан сүйлөшүүлөрдүн бүгүн - экинчи күнү. Анын максаты өзөктүк куралдарды кыскартуу боюнча Кансыз согуш доорунун аягында түзүлгөн, мөөнөтү быйыл аяктоочу келишимди алмаштыруу. Стратегиялык куралдарды кыскартуу келишими 1991-жылы кабыл алынган. Президенттер Барак Обама менен Дмитрий Медведев эски келишимди алмаштыруучу жаңы документ боюнча сүйлөшүүлөрдү баштоону апрель айындагы жолугушуусунда макулдашкан.
Орусия жаңы келишим боюнча сүйлөшүүлөрдүн ийгиликтүү болор-болбосу АКШнын ракетадан коргонуу системасынын жабдууларын Борбордук Европада жайгаштыруу планына байланыштуу экенин ишара кылган. Вашингтондун бул планы Москванын кескин каршылыгын жараткан.
Орусия жаңы келишим боюнча сүйлөшүүлөрдүн ийгиликтүү болор-болбосу АКШнын ракетадан коргонуу системасынын жабдууларын Борбордук Европада жайгаштыруу планына байланыштуу экенин ишара кылган. Вашингтондун бул планы Москванын кескин каршылыгын жараткан.