Ооганстандагы америкалык күчтөрдүн командачылыгы ооган өкмөтүнүн 4-майда аба соккудан 140 жайкын тургун набыт болду деген билдирүүсүн талкуулады. АКШнын Куралдуу күчтөрүнүн маалымдашынча, Фарах вилайетинде америкалык күчтөрдүн аба соккусунан мерт кеткендердин 35и карапайым тургундар, ал эми 65и талиптер болгон. Кечээ ооган президенти Хамид Карзай жана АКШнын Ооганстандагы элчиси Карл Эйкенберри набыт болгондордун жакындары менен жолугушкан.
