Камбар-Ата-2 ГЭСи үчүн курулуп, өткөн жылы Санкт-Петербургдан “Руслан” учагы менен алынып келинген жумушчу дөңгөлөк Манас аба майданында турган. Бүгүн аны атайын жүк ташуучу унаага жүктөп, Камбар-Ата-2 ГЭСин карай алып жөнөштү. Бул тууралуу Электр станциялар акционердик коомунун маалымат кызматынан кабарлашты. Туурасы 6 метр, бийиктиги 3.5 метр, салмагы 98 тонна болгон дөңгөлөк Төө-Ашуу, Ала-Бел аркылуу алып өтүлөт.(AiT)
