Бүгүн мамлекеттик тилди билүү сынагынан президенттикке талапкер Нурлан Мотуев өтөт. Эртең сынакка азыркы президент Курманбек Бакиев, шаршембиде экс-премьер-министр, БЭКтин талапкери Алмаз Атамбаев түшөт. Буга чейин сынактан президенттикке Дыйкандар жана фермерлер партиясынан көрсөтүлгөн талапкер Куттубек Асылбеков, өзүн-өзү көрсөтүшкөн Мурат Боронбаев менен Акбаралы Айтикеев өтүшкөн. Ал эми БЭКтин талапкери Алмаз Атамбаевди колдогондордун колун шайлоо комиссияларына тапшыруу бүгүн башталаарын Азимбек Бекназаров кабарлады.(BD)
