ЕККУ Кыргызстандын бийлигинен президенттик шайлоого байкоо салууга расмий чакыруу күтүп жатат. Бул тууралуу кечээ ЕККУнун Бишкектеги борборунун жетекчиси Эндрю Тесорьер билдирди. Анын айтымында, ЕККУ шайлоочулардын ачык, калыс добуш берүүсү үчүн бардык шарттарды түзүүгө аракетин улантып жатат жана уюмдун адам укуктары боюнча бюросу шайлоого өз байкоочуларын жиберүүгө камданып жатат. Кыргыз бийлиги өткөн жылкы жергиликтүү шайлоого ЕККУ баштаган эл аралык уюмдардын байкоочуларын чакырган эмес.(BD)
