Үй камагынын шарттарын бузганы үчүн айыпталып жаткан Аун Сан Су Чжи бүгүн сотто көрсөтмө бериши керек. Ал үйүнө америкалык жаранды киргизгени үчүн айыптуу деп табылары күтүлүүдө жана беш жылга чейин абакка кесилүүсү мүмкүн. Байкоочулар оппозиция лидерине коюлган айыпты Мьянмада келерки жылы өтүүчү прламенттик шайлоо жана өлкөнү башкарган аскерий режимди Аун Сан Су Чжини шайлоого катыштырбоо ниетине байланыштырышууда.