Эл аралык Мунапыс уюму дүйнөдөгү адам укуктарынын абалы боюнча баяндамасын жарыялады

400 беттен турган документте быйыл маселен дүйнөдөгү экономикалык кризис адам укуктарынын сакталуусуна терс кесепетин тийгизгени, адилетсиздик, адамдын ар намысы тебеленген учурлар көбөйгөнү айтылат.

Эл аралык Мунапыстын баш директору Айрин Хан белгилегендей, көп өлкөлөрдүн өкмөттөрү экономикалык кризистин шартында, адам укуктарын, адам өмүрүн, жашоосун талаптагыдай коргой алган жок.