Орусиянын өкмөтү Кыргызстандын аймагындагы аскер базасын жайгаштыруу боюнча келишимдин макамы жана шарттарына өзгөртүүлөрдү киргизип, Канттагы базаны 49 жылга узартуу мөөнөтү боюнча токтомду жактырды, бул тууралуу РИА “Новости” агенттиги жазып чыкты. Бул маалыматты президенттин басма сөз кызматы жана ТИМдин басма сөз кызматы тастыктаган жок. Канттагы аба базасы 2003-жылы октябрда ачылган. Ал жерде орусиянын 500 аскери кызмат өтөйт. Су-27, Су-25 исребителдери, транспорттук ИЛ-76, Ми-8 тик учактары жана L-39 машыгуучу учактары жайгашкан. (AJ)
