Ирандын басма сөз каражаттарынын маалымдашынча, бомба ишемби күнү Ахваз шаарынан Тегеранга жол тарткан учактын дааратканасында табылган. Ичинде 130 адам болгон учак кайрадан Ахвазга кайтып келген соң коопсуздук күчтөрү бомбаны зыянсыздандырышкан. Мунун алдында 28-майда Захедан шаарында шииттердин мечитинде бомба жарылып, 25 киши набыт болуп, 120 адам жараат алган.
