Президенттикке талапкерлигин көрсөткөн А.Абышев бүгүн кыргыз тилден сынактан өтөт. Эртең догдур Жеңишбек Назаралиевдин кезеги, бул тууралуу Мамлекеттик тил комиссиясынын төрагасы Ташбоо Жумагулов “Азаттыкка” билдирди. Ал эми БШКнын төрагасы Дамир Лисовскийдин маалымдашынча, мамлекеттик тил сынагын тапшырууга президенттикке талапкерлигин көрсөткөн үч атуул калды. Ал эми буга чейин кыргыз тилинен тогузу сынактан өтүп, экөө сынактан өтпөй калган. “Б.Керимбеков саат 24кө чейин жактоочуларынын кол тамгасын тапшырышы керек болчу, эгерде бул шарт аткарылбаса ал президенттик кызматка шайлоодон бүгүн четтетилет”,-деди Лисовский. (AJ)
