Ооган жана АКШ күчтөрүнүн биргелешип уюштурган аскери операциясынан 30 киши набыт болду. Забул вилайетинин полиция жетекчиси Абдул Рахмандын айтымында, урушта 20 талип жоочулары өлтүрүлүп, бир ооган полициячы набыт болгон. Фаряб вилайетинин полиция жетекчилигинин кабарлашынча, талиптер полиция бекетине кол салып, төрт тартип коргоо кызматкери мерт кеткен. Пактика вилайетинде болсо, талиптер коопсуздук кызматынын сакчыларына кол салып, натыйжада төрт киши набыт болгон.
