Кыргызстандын Ооганстан боюнча сүйлөшүүлөрдү жүргүзүүчү эл аралык туруктуу аянт түзүү демилгесин ЖККУ 14-июндагы Москва отурумунда карамакчы. Бул маселени Кыргызстан тарап 5-июнда ЖККУ Коопсуздук кеңештеринин катчыларынын комитетинин Минск отурумунда сунуштады. Президенттин маалымат кызматынын билдиргенине караганда отурумга Коопсуздук кеңешинин катчысы Адахан Мадумаров катышты. Кыргызстан “Бишкек демилгесинде” Борбор Азиядагы коопсуздукту туруктуулукту сактоо, Ооганстандагы кырдаалды жөндөп туруу үчүн Бишкекте эл аралык деңгээлдеги талкууларды, сүйлөшүүлөрдү уюштуруп берип турууну сунуштоодо. (BuS)
