Бразилиянын куралдуу күчтөрү кырсыкка учураган А-330 абалайнердин 24 жүргүнчүсүнүн сөөктөрү табылганын кабарлашты. Буга чейин куткаруучулар учактын айрым сыныктары табылганын кабарлашкан. Азырынча кырсыктын чоо-жайынан кабар бере ала турган кара кутучалар табыла элек. 1-июнда Атлантикада жоголуп кеткен учакта 228 киши бар болчу. А-330 Рио-де-Жанейродон Парижге баратканда кырсыкка учураган.
