Өлкөнүн тышкы иштер министрлигинин бүгүнкү билдирүүсүнө караганда, Ху Цзиньтао Орусияда келерки аптада, 14-18 июнда болот. Кытай лидери оболу Шанхай кызматташтык уюмунун Екатеринбург шаарында өтүүчү саммитине катышат. Орусияда ошондо эле БРИК деп аталган экономикалык уюмга кирген төрт өлкө: Кытай, Индия, Бразилия, Орусиянын алгачкы саммити өтмөкчү. Орусиядан соң Кытай лидери Словакия менен Хорватияга жол тартат.
