Орусиялык сенатор Торшин Бишкекте президент Бакиев менен жолугат

Бүгүн Бишкекте Орусиянын Федералдык жыйындар кеңешинин төрагасынын биринчи орун басары Александр Торшин Бишкекке келет. Жогорку Кеңеш тараткан маалыматка караганда сапар учурунда сенатор Торшин президент Курманбек Бакиев, парламент төрагасы Айтибай Тагаев, БШК төрагасы Владимир Лисовский менен жолугушуп, президенттик шайлоого камылгаларды талкуулашат. Торшин парламенттик шайлоодо парламенттер аралык ассамблеясынын байкоочулар миссиясын жетектеген.
Аны кечээ БШК президенттик шайлоого Эл аралык байкоочу катары каттагандыгы маалымдалган. Кечээ ошондой эле эл аралык байкоочу күбөлүгү КМШ парламенттер аралык ассамблеянын баш катчысы Михаил Кротовго да тапшырылды. (BuS)