Гуантанамо түрмөсүндө кармалгандардын бири сотто өзүнө коюлган айыптарды четке какты. Ахмед Гэйлани Африканын Танзания жана Кения өлкөлөрүндөгү АКШ элчиликтерине террордук чабуул жасаган деп айыпталууда. 1998-жылы болгон бул кол салуулардан 224 киши, алардын ичинде 12 америкалык набыт болгон. Гэйлани 2004-жылы Пакистанда камакка алынып, эки жылдан кийин Гуантанамодогу абакка алынып келинген. Эгерде Гэйлани күнөлүү деп табылса, ал өлүм жазасына буйрулушу мүмкүн.