Президенттик кызмат үчүн төрт талапкер ат салышууда. Байкоочулардын баамында президенттик негизги таймаш эки талапкердин ортосунда жүрүшү мүмкүн: булар – учурдагы президент Махмуд Ахмадинежад жана реформачыл саясатчы, мурдагы премьер-министр Мир Хуссейн Мусави. Ахмадинежаддын атаандаштары аны оор экономикалык абал, баалардын өсүшү жана жумушсуздук үчүн айыпташууда. Серепчилердин айтымында, Ахмадинежад элеттин жакыр катмарынын колдоосуна ээ болушу ыктымал.