Президенттикке талапкер болуп көрсөтүлгөн Акбаралы Айтикеев ал топтогон колдорду негизсиз жокко чыгарды, деп Борбордук шайлоо комиссиясын сотко берди. А. Айтикеев БШК мыйзамсыз чечим чыгарганын, эгер бул позициясын өзгөртпөсө аталган органдын азыркы курамынын таркатылышын, президенттик шайлоонун кийинкиге жылдырылышын талап кылаарын билдирди. Талаптары көңүл сыртында кала турган болсо Кыргызстан элин жана дүйнөлүк коомчулукту шайлоонун жыйынтыгын тааныбоого чакырарын айтты. БШКдан “Азаттыкка” А. Айтикеевдин мындай дооматтары негизсиз экенин билдиришти. (EBM)
