Европа коопсуздук жана кызматташуу уюмунун Демократия институттары жана адам укуктары боюнча бюросу Кыргызстанда 23-июлда боло турган президенттик шайлоого байкоо жүргүзүү боюнча миссиясын ачты. Бул тууралуу “Демократия жана атуулдук коом үчүн” коалициясынын башчысы Динара Ошурахунова билдирди. Маалыматка караганда, ЕККУнун узак мөөнөттүү 24 байкоочусу Кыргызстанга келип, өз иштерин баштоого киришүүдө. Алар экиден бөлүнүп региондорго жөнөп кетмекчи. Ал эми 23-июлда шайлоо күнү байкоо жүргүзүү үчүн ЕККУдан 300 байкоочу келмекчи.(AiT)
