Бүгүн Жогорку Кеңештин Отун-энергетика жана жер байлыктары боюнча комитеттин жыйыны болуп, анда “Камбар-Ата-2” ачык акционердик коому уюштурулганы айтылды, анын себеби чет мамлекеттерден инвестор тартмайынча ГЭСти Кыргызстан өз алдынча кура албастыгын Энергетика жана отун ресурстары министринин орун басары Акылбек Түмөнбаев билдирди. Жыйында Өкмөт ачык акционердик коомдун курамына инвесторлорду тартууга уруксат сурап кайрылды. Ошондон улам эми бул ачык акционердик коомго кошумча уюштуруучулар тартылмакчы. Комитет өкмөттүн бул сунушун кабыл алып берди. (AiT)
