Бул тууралуу президенттик администрациянын тышкы саясат бөлүмүнүн башчысы Айбек Молдогазиев “Азаттыкка” билдирди. Анын айтымында, азыркы кезде кыргыз президенти менен ооган президентинин жолугушуусу такталып жатат жана жолугушуу бүгүн кечке жуук болот. Белгилүү болгондой Ооганстан президенти Хамид Карзай Курманбек Бакиевге кат жазып, Шанхай кызматташуу уюмунун Екатеринбургдагы саммитинин алкагында көзмө-көз жолугушууну сунуштаган. Тараптар анда Ооганстандагы кырдаалды турукташтыруу, Манас аскерий базасына байланыштуу маселелерди талкуулашы күтүлүүдө. (AiT)
