Бейөкмөт жана коммерциялык эмес уюмдар ассоциациасынын төрайымы.
1962-жылдын 4-апрелинде Таластын Бакай-Ата районунда туулган. Улуту кыргыз.
Кыргыз улуттук университетин аяктаган, адистиги – химия сабагы боюнча мугалим.
Сеул, Вена, Женева, Варшава, Вашингтон жана Стамбул шаарларында өткөн бир канча эл аралык жыйындарга катышкан. Бир канча илимий жана саясий макалалардын автору.
2000-жылы “Жаңы муун” долбоорун иштеп чыгуу боюнча Улуттук комиссияга, 2002-жылы Эл аралык Тоолор жылын өткөрүү боюнча республикалык уюштуруу комитетине мүчө болгон. 2002-жылы өлкө баш мыйзамынын жаңы редакциясын иштеп чыгуу боюнча Конституциялык кеңешмеге да мүчө болгон.
Токтайым Үмөталиева 2005-жылкы президенттик шайлоодо да талапкерлигин коюп, Кыргызстандын тарыхында президенттикке талапкерлиги катталган биринчи аял-талапкер болгон.
Үй-бүлөлүү, үч кыздын энеси.