Брюсселде Евробиримдиктин лидерлери менен Пакистандын президенти Асиф Али Зардаринин жолугушуусу өттү. Сүйлөшүү маалында террордук топтор менен күрөш жана соода байланыштарын бекемдөө өңдүү маселелер талкууланды. Асиф Али Зардаринин Бюрсселде өткөргөн сүйлөшүүлөрүн Евробиримдиктин лидерлери "тарыхый жолугушуу" катары баалашты. Биринчи ирет ырасмий деңгээлде өткөрүлгөн жыйындарда негизинен экономикалык жана соода-сатык маселелерине көңүл бурулду. Жыйында Евробиримдиктин тышкы иштер боюнча атайын өкүлү Бенита Ферреро-Валднер шашылыш жардам катары Пакистанга 100 миллион евродон ашуун каражат бөлүнөрүн маалымдады.
