Барак Обаманын администрациясы Ирандагы шайлоонун жыйынтыктарына карабастан расмий Тегеран менен өзөктүк программа жана башка бир катар маселелер боюнча сүйлөшүүлөргө даяр. Бул тууралуу АКШнын мамлекеттик катчысы Хиллари Клинтон билдирди. АКШнын мамлекеттик департаменти расмий Тегерандын “Вашингтон Ирандын ички иштерине кийилигишүүдө” деген айыптоолорун четке кагып, АКШ болгону митингге чыккандардын укуктарын урматтоого чакырганын белгиледи. 1979-жылкы Ислам революциясынан кийин АКШ жана Иран ортосунда дипломатиялык мамилелер үзүлгөн болчу.
