Бийликтер Махмад Назар Солихов өзүн өзү атты деп ырастоодо, бирок урук-туугандары "Азаттыктын" тажик кызматына аны камакка алганы келгендер атып салышканын билдиришти. Солиховго «кызматынан кыянаттык менен пайдаланды, ички иштер министрлигинин улук кызматкерлеринин өлүмү боюнча кылмыш ишинде сурак берүү талабын көзүнө илген эмес» деген айып тагылып жаткан эле. Солихов министрлик кызматтан ушул жылдын башында алынган. Мурда ал баш прокурор жана президенттик администрациянын жетекчиси болуп иштеген.
