Астанада кыргыз-казак өкмөттөр аралык кеңештин отурумунун соңунда Казакстан менен Кыргызстандын жарандары аталган эки өлкөдө жеке ишкерлик менен алектенүүсүнүн тартиби тууралуу макулдашууга кол коюлду. Кыргыз өкмөтүнүн билдиришинче, бул документ тараптардын өлкө ичинде макулдашуунун жол-жоболорун аткаруу тууралуу макулдугун дипломатиялык каналдар аркылуу жөнөткөндөн кийин 30 күндөн кийин күчүнө кирет. Кыргызстандын өкмөт башчысы Игорь Чудинов баштаган топ ушул жуманын башында Казакстанда иш сапар менен болгон. (EBM)
