Бийлик Тегеранда көчө нааразылыктарына чыккандарды “террористтердин тобу” деп атоодо. Сыналгынын маалыматына ылайык, 13 кишинин көбү демонстранттар Лолагар мечитине өрт койгондо набыт болду. Англис тилинде чыкчу “Пресс ТВ” каналы болсо көтөрүлүшчүлөр май куйуучу эки жайды өрттөшүп, полиция бекетине чабуул коюшту деп билдирди. Мындай маалыматтар көз карандысыз булактар тарабынан бышыктала элек.