Башкалаа Вашингтондун чет жакасында болгон бул кагылышуудан мындан сырткары жетимиштей киши да жаракат алды. Расмий өкүлдөрдүн айтымында, эки поезддин сүзүшүүсүнө себеп болгон жагдайлар азырынча белгисиз. Вашингтондун мэри Адриан Фентинин билдиргенине караганда, бул шаардын метро түйүнүн 33 жылдык тарыхындагы эң кандуу кырсык болду. Вашинтгондун метросу 1976-жылдан тарта иштей баштаган.
