Президенттикке талапкер саат 10:30да Карасуу районунун тургундары менен жолугушат. Андан кийин Ош шаарына келир, шаардагы шайлоочуларга өзүнүн президенттик программасын тааныштырмакчы. Талапкерди коштоп жүргөндөрдүн бири, БЭКтин уюштуруу штабынын мүчөсү Азимбек Бекназаровдун “Азаттыкка” билдиргени боюнча жолугушуулар ачык, көпчүлүк элдин каалоосу менен болууда. “Башка айрым талапкерлер элди стадионго жана башка имараттарга камап алып жолугушуп атса, бизде бардыгы ачык жерде, мажбурлаган эч ким жок, жолугушууга эл өзүнүн каалоосу менен келип, катышып атат,” дейт Азимбек Бекназаров.(ZKo)
