Бул тууралуу ИИМдин Коомдук коопсуздук боюнча башкы башкармалыгынын жетекчиси Жакыпбек Азизов бүгүн маалымат жыйынында билдирди. Ал ошондой эле добуш берүү күнү ар бир участокто милиция кызматкерлеринен нөөмөтчүлөр коюларын белгиледи. Анын айтуусунда 2 331 добуш берүү участогу болот, анын 49у чет мамлекеттерде. КР ИИМ Молдомуса Конгантиев Орусиядагы, Казакстандагы жана башка өлкөлөрдөгү күч структурасынын жетекчилерине КР президентин шайлоону тынч өткөрүүнү камсыздап берүү өтүнүчү менен кайрылды, деп билдирди Жакыпбек Азизов.(ZKo)
