Бул тууралуу Нурлан Мотуев бүгүн маалымат жыйынында билдирди. “Ж.Назаралиевдин теле айтышка мени менен чыгуудан баш тартканы мени эмес, коомчулукту сыйлабаганы. Ал кыргыз тилин начар билет ошондуктан айтышка чыгуудан коркуп баш тартты”,-дейт Мотуев. 24-июнда президенттикке талапкер Жеңишбек Назаралиев болсо сыналгы аркылуу талапкер Нурлан Мотуев менен кайым айтышкысы келбегенин, ага эч кандай суроолору жоктугун айтып, сыналгы аркылуу кайым айтышка чыгуудан баш тарткан. Н.Мотуев менен Ж.Назаралиевдин теле дебаты 13-июлга белгиленген эле. (AJ)
