Бул тууралуу премьер-министрдин маалымат катчысы Айбек Султангазиев “Азаттыка” билдирди. Анын айтымында, Игорь Чудинов баштаган делегация уу калдыктарын зыянсыздандыруу боюнча Швейцарияда болгон эл аралык жыйынга катышты. Сапардын алкагында Чудинов Швейцариянын жетекчилиги менен жолугушуп, сүйлөшүүлөр өткөрдү. Анын жыйынтыгында Кыргызстандын экспорттук мүмкүнчүлүгүн арттыруу боюнча келишимге кол коюулуп, ал үчүн Швейцария өкмөтү 1 миллион 800 миң доллар бөлө турган болду.(AiT)
